Kryeministri i Maqedonisë së Veriut, Zoran Zaev dhe kabineti i tij kanë ndërmarr masa për përforcimin e efikasitetit dhe sigurisë në zbatimin e agjendës transparente e përbërë nga takime, ngjarje dhe komunikime.
Siç ka bërë të ditur qendra për komunikim e Qeverisë, është duke u avancuar procedura për caktimin e takimeve dhe për realizimin e bisedimeve në Kabinetin, me qëllim që të sigurohet nivel i lart i kontrolleve dhe mbrojtje të komunikimeve të kryeministrit.
Si pjesë e masave për siguri dhe kujdes komunikimet telefonike dhe digjitale në kuadër të Kabinetit të kryeministrit janë ndryshuar një pjesë e pajisjeve teknike, përfshirë edhe telefonat celularë dhe numrat telefonik të kryeministrit dhe një pjese të bashkëpunëtorëve.
“Kryeministri është duke bërë analizë edhe për profesionalizmin dhe efikasitetin e bashkëpunëtorëve të tij, në bazë të cilave një pjesë e personave të angazhuar do të ju falënderoj për bashkëpunimin e deritanishëm”, thonë nga shërbimi për komunikime qeveritare.
Po ashtu është njoftuar se Kabineti i kryeministrit po përgatit Plan për aksion kundër dezinformatave, versioni i parë i të cilit së shpejti do t’i prezantohet opinionit.
