Kryeministri Zoran Zaev nuk përjashtohen dorëheqjen nga posti i kryeministrit dhe çuarjen e vendit në zgjedhje të reja, në rast se shumica e qytetarëve do të votojnë kundër në referendum.
“Do të japë dorëheqje nëse në referendum ka më shumë vota “kundër” se sa “për”, deklaroi Zaev për televizionin 1TV.
Ai nënvizoi se është mirë, jo vetëm për shtetin, por edhe për VMRO-DPMNE-së që të bëjë thirrje për dalje në referendum, ndërsa qytetarët të prononcohen si të duan.
“Para liderëve të partive politike thashë, nëse jemi për BE dhe NATO, përcaktimet tona partiake t’i lëmë anash ose në plan të dytë, ndërsa shteti të jetë në vend të parë”, theksoi Zaev, pasi paraprakisht informoi se VMRO-DPMNE-së i ka ofruar hyrje në Qeveri që së bashku ta zbatojnë referendumin, por partia opozitare ka refuzuar, duke qëndruar në kërkesën për amnisti.
Kryeministri Zaev ka theksuar se “PO”-ja në referendum nënkupton të ardhmen të ndritur për gjeneratat e ardhshme, për ardhmërinë e qytetarëve dhe të vendit.
