Vrasja e Bojkut, asnjë gjurmë nga autori

Policia dhe Prokuroria Publike ende nuk kumtojnë nëse ka ndonjë rezultat nga kërkimi i vrasësit të biznesmenit të Strugës Dilaver Bojku Leku. Nuk jepen as informacione zyrtar mbi arsyet e mundshme për vrasjen. Edhe pse opinioni pret që të dëgjojë se deri ku është hetimi për këtë ngjarje e cila ka ngjallur interesim të madh, jo vetëm në Maqedoni por edhe më gjerë, deri më tani nuk është kumtuar asgjë më shumë se informatat e dhëna paraprakisht, edhe pse kanë kaluar disa ditë. Nga SPB Ohrër sot për Alsat M vetëm bënë të ditur se për këtë ngjarje janë marrë në pyetje rreth 30 persona.