25 March
VMRO-DPMNE kërkon që euro-deputeti Ivo Vajgëll të kërkojë falje. Nga partia demantojnë se lideri i tyre NIkola Gruevski në takim me treshin Edvard Kukan, Ivo Vajgel dhe Knut Flekenshtajn ka thënë se do të shkojë deri në fund vetëm e vetëm të mos përfundojë në burg. Këtë qëndrim të Vajgëllit e transmetoi televizioni Al Xhezira.
Me këto dezinformata Ivo Vajgëll vetëm se i hodhi benzinë zjarrit në krizën politike aktuale, në vend që ta dënojë publikisht Platformën e Tiranës dhe përzierjen e shteteve fqinje në punët e brendshme të Maqedonisë – thonë nga VMRO-DPOMNE-ja.
Për LSDM-në deklarata e Ivo Vajgëllit është dëshmi se kriza në vend është e nxitur nga Nikola Gruevski.
Ky është një vërtetim nga vetë Gruevski për atë që paralajmërojmë, se ai vetëm për interesa personale e thellon krizën politike. Është e patolerueshme që qytetarët e Maqedonisë të jenë peng i frikësimeve të Gruevskit -theksojnë nga LSDM-ja.
Analistët politik shpjegojnë se deklarata e Ivo Vajgëllit vetëm se ka konfirmuar dyshimet se kriza është e nxitur pikërisht nga kryesia e VMRO-DPMNE-së e cila dyshohet për krim serioz.
Është e qartë se VMRO-DPMNE bën gjithçka dhe jo vetëm Gruevski por edhe të gjithë rreth tij që t’i ikin përgjegjësisë. Kjo është baza e krizës në të cilën akoma gjendet Maqedonia. Çështja kryesore me të cilën këto dy vite merret VMRO-DPMNE është që të fitojë më shumë kohë, që të tentojë ta zvogëlojë përgjegjësinë që i takon – deklaroi Nikola Dujovski, profesor universitar.
Ne, jo që nuk e dinim se pushteti tenton të bëj destabilizim me qëllim që të bëj pazar për lirinë e tyre dhe të lihen të lirë pa dhënë llogari për atë që e kanë bërë. Kjo deklaratë është shumë e rëndësishme sepse vjen nga një diplomat dhe nuk është karakteristike për njerëz të rangut të tillë dhe e zbulon bisedën e bërë në tavolinë – u shpreh Xhelo Hoxhiq, aktivist civil.
Mes tjerash euro-deputeti Ivo Vajgëll në intervistën për Al Xhezira theksoi se ka frikë nga mundësia e përshkallëzimit të krizës në Maqedoni sepse çdo ditë gjithnjë e më shumë shpeshtohen thirrjet për urrejtje kundër shqiptarëve.
Bojan Kostovski
