Në vitin që po lëmë pas, një pjesë e madhe e medieve vazhduan praktikën e njohur të raportimit të njëanshëm, pa respektuar standardet etike. Kështu shprehet me keqardhje Marina Tuneva nga Këshilli për Etikë në Media. Sipas saj, raportimi i njëanshëm ka qenë më evident veçanërisht gjatë fushatës zgjedhore.
“Ne bëmë apel që mediet ta përmirësonin rolin e tyre, sidomos gjatë periudhës parazgjedhore dhe zgjedhore. Megjithatë, ajo që vërejtëm, ishte thjesht devijimi i njëjtë e i vazhdueshëm nga normat e raportimit profesional dhe etik”, deklaroi Marina Tuneva, Këshilli për Etikë në Media. Për Tunevën megjithatë, rritja e numrit të ankesave të qytetarëve te Këshilli për Etikë në Media, është një hap i guximshëm për denoncimin e shkeljeve të standardeve gazetareske.
“Në fakt, kjo tregon se qytetarët janë shumë të vetëdijshëm për polarizimin që mbizotëron në media, dhe ekzistimin e ndarjes. Madje, edhe një pjesë e medieve janë të vetëdijshme se ndihmojnë një tendencë të tillë të informacionit, ku gjërat nuk janë të kontrolluara nga dy, tre apo më shumë burime të informacionit, por për shkak të mbështetjes së ideologjive dhe qëllimet të tjera ata informojnë në mënyrë të tillë”, tha Marina Tuneva, Këshilli për Etikë në Media.
Për dallim nga kjo pikëpamje, nga Agjencia për audio dhe shërbime audio-vizuale dolën me raport duke theksuar se, edhe pse janë në dijeni për raportime të njëanshme, qytetarët nuk reagojnë përmes institucioneve ose Organizatave Joqeveritare. Sipas hulumtimit, 63% e tyre nuk janë të gatshëm që në mënyrë aktive të marrin pjesë në procese të tilla qytetare. Megjithatë, 75% e qytetarëve nuk i marrin për bazë informacionet që përmbajnë vetëm një burim.
Data 18.11.2026
Aktuale
- Shaqiri: Shqiptarët po përballen me padrejtësi në ndarjen e investimeve kapitale
- Burgosje e të riut kumanovar dhe ndalimi i studentit, Shaqiri: Po tentohet të frikësohen të rinjtë shqiptarë
- Dua Lipa dhe magia e muzikës në GTA 6: Një hap drejt suksesit global
- Shaqiri u bën thirrje shqiptarëve të Butelit të ndryshojnë vendbanimin në dokumentet personale
- Tragjedi në Kroaci: Humb jetën 33-vjeçari nga Maqedonia gjatë punës në hekurudhë
- Shefi i inteligjencës amerikane: Ndërprerjet e fundit të shërbimeve nuk ishin “sulm i sponsorizuar nga shteti”
- Shpikja e re nga Kina: Krehëri elektronik që premton rikthimin e shpejtë të flokëve dhe mund t’i japë fund tullacisë
- Arrestimi i policit në Ferizaj për bixhoz dhe armë: Një skandal në rritje

