Kandidati i pavarur për Gostivarin Visar Ademi premtoi ndryshime në fushën e ekonomisë, me qëllim ndalimin e migrimit dhe luftimin e korrupsionit. Ademi tha se ndryshimet do të fokusohen kryesisht te financat publike të komunës dhe rritja e përqindjes së investimeve. Ademi poashtu premtoi më shumë vende të punës për të rinjtë, që të ndërpritet migrimi i cili, për momentin, sipas tij arrin në rreth 37 për qind.
Cila është platforma ime? Së pari është krijimi i asaj që i them unë koncept ndërmarrësie që ka të bëj me hapin më të madh të satrapëve në Ballkan, që quhet “Gostivari start up plan”, që nënkupton që në kazermën e Banjicës, të krijohet hapësire që do t’i jepet çdo të riu hapësira me internet e rrymë të paguar që të implementojnë idenë e tyre të biznesit. E dyta akseleratori , dhe e treta fare “Biznes Engjëll”, që do lidhim sektorin privat me diasporën”, tha Visar Ademi, Kandidat i pavarur për Gostivarin.
