(VIDEO) Zjarret, VMRO kërkon interpelancë për ministrin e bujqësisë

VMRO DMPNE do të parashtrojë interpelancë për ministrin e bujqësisë Lubço Nikollovski pasi Maqedonia po digjet gjithandej, dhe sipas opozitës nuk ka masa për parandalim dhe shuarje të zjarrit.
“Ne si deputet të VMRO DPMNE-së dorëzojmë Interpelancë për punën e ministrit të bujqësisë Lubço Nikollovski deri tek Kuvendi. Si rezultat i joseriozitetit, jokompetencës dhe mungesës së përgjegjësisë së ministrit Lubço Nikollovski, Maqedonia tashmë një muaj është në flakë”, deklaroi Zoran Ilioski, deputet i VMRO DPMNE-së.
Deputeti Ilioski madje pohoi se zjarret po i shkakton vetë Qeveria per ta mbuluar dështimin e saj në përmbushjen e zotimeve reformatore.
“Gjithë kjo na çon deri tek një përfundim. Se periudha kur ndodhin zjarret dhe vendet ku janë shkaktuar ato, janë shkaktuara qëllimisht nga pushteti, për ta shpërqëndruar vëmendjen nga politikat e tyre të dështuara”, ka thënë më tej ai.
Ilioski e kritikoi ministrin e bujqësisë se prej që e ka marrë funksionin, nuk ka arritur të plotësojë asnjë kërkesë dhe nevojë të bujqve. Ai i bëri thirrje Kuvendit që të hap debat për përgjegjësi të ministrit të bujqësisë në afat prej dy javësh, që është edhe afati përfundimtar që Kuvendi të fusë këtë si pikë të rendit të ditës. Nga partia e tij gishtin për zjarret e drejtuan edhe kah Agron Buxhaku, drejtori i Qendrës për Menaxhim me Kriza pasi thanë se edhe ai ka përgjegjësi aq sa drejtori i Drejtorisë për Mbrojtje dhe Shpëtim Shaban Saliu.
Ferikan Iljazi Arifi

Zjarret, VMRO kërkon interpelancë për ministrin… by tvshenjaofficial