(VIDEO) Transparencë Maqedoni: Kuvendi paguan çmime joreale për rrugën e deputetëve

Organizata Transparency Maqedoni dhe Qendra për Analiza Ekonomike i bëjnë thirrje Kuvendit të Maqedonisë që të bëjnë ndryshime në ligjin e deputetëve dhe aktet nënligjore në përputhje me rekomandimet e raporteve të Entit Shtetëror për Revizion. Ata nëpërmjet një komunikate e shprehin pakënaqësinë e tyre për shkak të injorimit të rekomandimeve nga Enti Shtetëror për Revizion që kanë kërkuar shkurtim të kompensimit financiar për shfrytëzimin e veturave private.
“International Transparency Maqedoni dhe Qendra për Analiza Ekonomike shprehin pakënaqësi të thellë për shkak injorimit të rekomandimeve nga Enti Shtetëror për Revizion që kanë të bëjnë me praktikën e deputetëve që për vete marrin kompensim financiar për shfrytëzimin e veturave private me qëllime zyrtare që nuk korrespondon me çmimet e tyre reale. Për shkak saj e ftojnë Kuvendin e Republikës së Maqedonisë të bëjnë ndryshime në ligjin e deputetëve dhe aktet nënligjore në përputhje me rekomandimet e raporteve të Entit Shtetëror për Revizion”
Ndryshe, Televizioni SHENJA ka transmetuar të dhënat për shpenzimet e rrugës të përbërjes së re parlamentare, në muajt e parë të mandatit. Ngjashëm sikurse përbërja e kaluar, edhe deputetët e kësaj përbërje marrin shuma të mëdha për shpenzime rruge, të cilat arrijnë edhe deri 2 mijë euro në muaj. Gjithashtu, edhe Enti Shtetëror për Revizion në raportet e revizionit financiar ekzekutiv prej vitit 2008, 2010 dhe 2016 ka rekomanduar që të kontrollohet lartësia e kompensimit në drejtim të uljes, duke pasur parasysh se ato të dhëna janë joreale dhe përfshijnë një pjesë të rëndësishme nga të dhënat e përgjithshme të Kuvendit të Republikës së Maqedonisë.
Edhe përkundër saj, Kuvendi akoma nuk ka vepruar pas rekomandimeve të Entit Shtetëror për Revizion dhe më tej deputetëve u paguhen kompensime të larta joreale për harxhime rrugore me të cilat e ngarkojnë buxhetin. International Transparency-Maqedoni dhe Qendra për Analiza Ekonomike e ftojnë Kuvendin e Maqedonisë të miratojë Kodin e Etikës së Deputetëve në Kuvendin e Republikës së Maqedonisë.
Ajnur Bafqari