Nënkryetari i partisë “Alternativa”, Lulzim Aliu, thotë se për një vit sa janë në Qeveri kjo parti ka arritur të përmbushë dy qëllimet kryesore për të cilat u përfshi në koalicionin qeveritar. Sipas Aliut, Alternativa ka dhënë kontribut në procesin integrues, ndërsa funksionarët e kësaj partie u bënë model për qeverisje të drejtë, të pastër dhe të pashembullt deri më tani.
Ai në emisionin “Studio e Hapur” thotë se asnjë nga ministrat dhe funksionarët e tjerë nuk janë të korruptuar dhe të njollosur, ndërsa kanë qeverisur pa nepotizëm, partizim dhe pa asnjë veprim komprometues.
