Ministri i jashtëm rus, Sergej Lavrov, ka deklaruar seMoska shpreson që vendet perëndimore e kuptojnë rrezikun nga tentimet për destabilizim të situatës në Maqedoni, shkruan portali rus “Sputnik”. Lavrov ka thënë se është e çuditshme që rajoni i Ballkanit perceptohet si rajon i “aktiviteteve provokative” të Rusisë, ndërsa çdo raport normal në mes Rusisë dhe Ballkanit shkakton shqetësim në Perëndim.
“Situata aktuale në Maqedonisë është pak më e komplikuar, madje do ta quaja edhe krizë, në pjesën më të madhe e shkaktuar në mënyrë artificiale, e cila çon në situatë për tentime për ndarja për ndarje të shoqërisë”, tha ministri i jashtëm rus, Sergej Lavrov.
Lavrov po ashtu ka shprehur optimizëm se Perëndimi e kupton rrezikun e tentimeve të tilla. Mediumi rus më tej shkruan se Moska zyrtare disa herë ka bërë thirrje për ndëprerjen e ndërhyrjeve të huaja në punët e brendshme të Maqedonisë.
Ministria e Jashtme ruse nëmuajin mars vlerëuar se opozita maqedonase “është e përkrahur nga BE dhe SHBA” dhe se eurokomisari Johanes Han, përfaqësuesja e lartë, Federika Mogerini dhe sekretari gjeneral i NATO-s, Jens Stoltenberg, ushtrojnë presion të paparë ndaj presidentit Gjorgje Ivanov për t’i dorëzuar opozitës mandatin për formim të Qeverisë.
Teuta Buçi /SHENJA/
