Zv/kryeministri Izet Mexhiti në rrjetin social facebook ka shkruar se për më pakë se 10 muaj ata kanë bërë sistemin “One Stop Shop” në pikën kufitare të Bllacës.
Ai më tej ka shpjeguar edhe si funksionon në praktik ky sistem.
“Për më pak se 10 muaj, e bëmë realitet sistemin “One Stop Shop” në pikën kufitare të Bllacës, i pari dhe i vetmi i këtij lloji në Maqedoninë e Veriut, duke përfaqësuar një model të avancuar të menaxhimit të përbashkët kufitar.
Gjatë kësaj periudhe, arritëm të nënshkruajmë dhe të zbatojmë të gjitha protokollet dhe procedurat dypalëshe mes Maqedonisë së Veriut dhe Kosovës. Krahas harmonizimit institucional, investuam edhe në ndërtimin e infrastrukturës së re, si në aspektin fizik, ashtu edhe në atë dixhital, duke krijuar një sistem funksional dhe modern për kalimin kufitar.
Si funksionon “One Stop Shop” në Bllacë?
Ky model unik bashkëpunimi kufitar sjell një sërë përfitimesh konkrete për qytetarët dhe bizneset, duke e dalluar qartë nga sistemi tradicional i dy kontrolleve, siç ka qenë në të kaluarën.
Karakteristikat kryesore të sistemit në Bllacë janë:
Vetëm një ndalesë për të kaluar kufirin;
Vetëm një kontroll pasaporte, duke
shmangur përsëritjen e procedurave;
Në hyrje nga Maqedonia e Veriut në Kosovë,
kontrolli kryhet vetëm nga autoritetet e Kosovës;
Në hyrje nga Kosova në Maqedoninë e Veriut, kontrolli kryhet vetëm nga autoritetet e Maqedonisë;
Reduktim i ndjeshëm i kohës së pritjes, çka ndihmon në lehtësimin e lëvizjes dhe përmirësimin e përvojës së kalimit kufitar.
Përfitimet e sistemit “One Stop Shop” në shërbimet kompetente përfshijnë:
Përdorim më efikas të burimeve njerëzore dhe teknike ekzistuese;
Komunikim të përditshëm dhe të drejtpërdrejtë mes autoriteteve kufitare të dy vendeve;
Përmirësim të shkëmbimit të informacionit dhe të dhënave në kohë reale;
Siguri më e lartë dhe monitorim më efektiv për të parandaluar aktivitetet e paligjshme.
Vepra, jo fjalë!”, ka shkruar Mexhiti.
Data 13.09.2025
Aktuale
- 30 vite marrëdhënie diplomatike SHBA-RMV, Ageler: Ndërtuam vlera të përbashkëta me respekt dhe besim
- Së shpejti një pikë kontrolli edhe në vendkalimin kufitar “Qafë Thanë”, paralajmëron Toshkovski
- BDI: Kapja e qeverisë nga “Bota serbe” rrezikon shtetësinë dhe të ardhmen euroatlantike të vendit
- LAMM: Qarkullim i rregullt në pikat kufitare të Maqedonisë së Veriut, pa pritje të gjata
- Nga pensionet te pronat, vendimmarrjet e para të qeverisë “Rama 4”! Nga 1 janari, paga minimale do jetë 500 euro
- LAMM: Nuk ka pritje të gjata në vendkalimet kufitare nga ana e Maqedonisë së Veriut
- Rritet fatura e pensioneve, mbi 2 miliardë euro në 2026 për të moshuarit! Problem, skema deficitare
- EMRAT/ Makina përfundon në kanal, detaje nga aksidenti i rëndë! Kush është viktima dhe gjendja e tre të plagosurve