Vendimet e Apelit janë gati, nuk jepen detaje  

Gjykata e Apelit ka marrë vendimet lidhur me ankimimet e Prokurorisë Speciale për masat e lehta të shqiptuara nga Gjykata Penale për të akuzuarit për raste të ndryshme. Sot Apeli i ka shkruar vendimet për ankesat e PSP-së që kanë të bëjnë me Sasho Mijallkovin dhe Goran Grujevskin, që të dy në pozita të larta në Drejtorinë e Sigurisë dhe Kundërzbulimit.  Përveç për Mijallkovin dhe Grujevskin, Gjykata e Apelit duhet t’a bëjë publike edhe vendimin nëse në burg do të përfundojë ose jo koordinatori i grupit parlamentar të BDI-së Ejup Halimi. Pikërisht Halimin, PSP-ja e akuzon se ka ndikuar ndaj dëshmitarëve dhe ata janë frikësuar nga fuqia e tij.