Rritja e fundit e çmimeve të banesave i bën blerësit të mendojnë dy herë për blerjen e një apartamenti të ri. Por ata ende i investojnë paratë në pasuri të paluajtshme dhe jo në bankë. Rreth 5000 apartamente të reja ndërtohen çdo vit në vend, ndërsa një e treta e atyre tashmë të ndërtuara janë bosh. Çmimet e apartamenteve u ngritën “deri në tavan”, ndërkohë që në vend çdo i treti apartament është bosh dhe çdo vit ndërtohen mesatarisht rreth 5.000 apartamente të reja. Së pari pandemia dhe më pas pushtimi ushtarak rus në Ukrainë sollën inflacion të lartë, ndaj “investimi” në pasuri të paluajtshme, pavarësisht çmimit, shihet si alternativa më e mirë për shumë njerëz. Çmimet e banesave janë rritur jashtëzakonisht gjatë vitit të kaluar. Sipas të dhënave të Bankës Popullore, në tremujorin e fundit të vitit 2022, çmimi i apartamenteve është rritur për 20.6 për qind. Kjo praktikisht vazhdon trendin e rritjes së çmimeve vitin e kaluar.
Një rritje dyshifrore ka pasur në tremujorin e fundit të 2021, ndërsa më parë ishte nga 2 në 6 për qind. Në dekadën e fundit, çmimet më të ulëta ishin në vitin 2017, prej kur fillon trendi i rritjes që kulmoi në vitin 2022.
