Kryetari i komunës së Gostivarit, Arben Taravari, ka akuzuar BDI-në, respektivisht ministrin e arsimit, se po vazhdon me dukurinë e nepotizmit. Sipas Taravarit, me vendim të ministrit të arsimit, burri i një deputete të BDI-së është emëruar drejtor në shkollën teknike në Gostivar, shkruan Gazeta Lajm.
“Sot është dita e pestë e fushatës për zgjedhjet presidenciale, dhe ministri “reformator” i BDI-së emëroj edhe një drejtor në shkollën teknike në Gostivar, burrin e deputetes së BDI-së.
Fenomeni NEPOTIZEM!
Ligjet nuk vlejnë për BDI-në!”, ka shkruar Taravari.
Me siguri bëhet fjalë në këtë rast për bashkëshortin e deputetes Mirsada Emini-Asani e cila është deputetja e vetme e BDI-së nga Gostivari.
