Vazhdojnë të dëgjohen “bombat”

Prokuroria Speciale po vazhdon ti lëshojë bisedat e përgjuara mes ish kreut të VMRO DPMNE së gjatë organizmit të zgjedhjeve parlamentare në vitin 2011, raporton SHENJA.
Siç dëgjohet në bisedat e deritanishme, VMRO DPMNE kalkulon se si ta përpilojë listën e kandidatëve dhe si të mobilizojë diasporën për të votuar pasi që ka interes shumë të ulët. Siç dëgjohet në biseda, diaspora ka patur vetëm 200 votues maqedonas dhe 50 shqiptar kështu që ish partia në pushtet duhej të gjejë modalitete për të fituar më shumë vota. Bisedojnë kryesisht ish kryeministri Nikolla Gruevski, dhe ish ministrat Gordana Jankullovska dhe Mile Janakievski, me Martin Protugjerin dhe Kirill Bozhinovskin. Gjatë ditës së djeshme u lëshuan 15 biseda të përgjuara ndërsa sot deri më tani janë dëgjuar afër 10.