Pranë Bakhmutit, ushtria ruse po humbet forca të konsiderueshme dhe shumë shpejt forcat e armatosura të Ukrainës do ta shfrytëzojnë këtë mundësi, siç bënë pranë Kievit, Kharkivit, Balaklias dhe Kupyanskut, transmeton Ukrinform.
“Përfaqësuesit e PMC Wagner janë forcat kryesore të Federatës Ruse në këtë sektor. Duke mos kursyer asgjë, humbasin forcë të konsiderueshme dhe dobësohen. Shumë shpejt do të përfitojmë nga kjo mundësi si dikur në Kiev, Kharkiv, Balaklia dhe Kupyansk”, raportoi Oleksandr Sirskyi, komandanti i forcave tokësore të Forcave të Armatosura të Ukrainës, në Telegram.
Sipas tij, ushtarët ukrainas në front po demonstrojnë qëndrueshmëri, guxim dhe trimëri mbinjerëzore nën zjarr të vazhdueshëm të artilerisë dhe avionëve të armikut. Në veçanti bëhet fjalë për repartet e brigadave 93, 10, 57 dhe 5 që aktualisht po mbrojnë atdheun në lindje të vendit./Lajm i plotë.
