Presidenti i Republikës së Maqedonisë së Veriut, Stevo Pendarovski, me rastin e shënimit të 22 Nëntorit – Ditës së Alfabetit Shqip, u dërgoi urim pjesëtarëve të etnisë shqiptare në Republikën e Maqedonisë së Veriut.
Të nderuar qytetarë!
Krijimi i alfabetit dhe kodifikimit të një gjuhe është një nga hapat më domethënës të vetidentifikimit të një populli. 22 Nëntorit është ditë e rëndësishme për popullin shqiptar, por edhe për gjithë Republikën e Maqedonisë së Veriut, meqë, në këtë datë të vitin 1908, intelektualët shqiptarë të Kongresit të Manastirit morën vendim për unifikimin e alfabetit shqip. Me këtë praktikisht u nxit ngritja politike, kulturore e arsimore e shqiptarëve.
Duke e kremtuar këtë festë, ne si shoqëri bashkëkohore, multietnike dhe multikulturore i dëshmojmë angazhimet tona për ndërtim të një shoqërie për të gjithë, ashtu si edhe një të ardhme më të mirë e më të ndritshme për çdo qytetar tonin. Respektimi dhe vlerësimi i dallimeve ndërmjet vete janë ato që na afrojnë, bashkojnë dhe na bëjnë unikë në menaxhimin e sfidave.
Së këndejmi, në këtë rast, dua bashkësisë etnike shqiptare t’ia uroj Ditën e Alfabetit, kurse të gjithë qytetarët e Republikës së Maqedonisë së Veriut t’i porosis se rruga e vërtetë e ndërtimit të shtetit evropian është përmes respektimit, bashkëpunimit dhe përbashkësisë.
Gëzuar 22 Nëntorin, Ditën e Alfabetit Shqip!
Stevo Pendarovski
Presidenti i Republikës së Maqedonisë së Veriut
Data 02.05.2024
Aktuale
- Kovaçevski për keqpërdorimet në Agjencinë për Rini dhe Sport: Prokuroria duhet të punojë sipas ligjeve
- (VIDEO) Ka nisur regjistrimi i nxënësve të klasave të para për vitin akademik 2024/25
- Bytyqi: Partitë politike që nuk kanë ofertë për qytetarët i kthehen nacionalizmit
- Antonio Conte drejt rikthimit në Premier League
- RMV, me aksion për dhurimin e gjakut u shënua Dita Botërore e Lirisë së Medias
- Rama thumbon Kurtin: Ndërhyrjet në Maqedonin e Veriut synojnë destabilitet
- Qytetarët lidhin pushimet – Mbingarkohen pikat kufitare!
- “Të dalin brekët e mia në mes të Shqipërisë” Shkëlqimi hedh në pishinë Erjolën, ia zbulon pjesët intime