Titanik 2, gjykatësit e akuzuar mbeten pa imunitet

Këshilli Gjyqësor vendosi t’ua marrë imunitetin gjyqësor pesë gjykatësve nga Gjykata Administrative të akuzuar në rastin “Titanik 2”, rast ky i hapur nga PSP-ja për parregullsitë zgjedhore të zgjedhjeve lokale të vitit 2013. Vendimi është publikuar zyrtarisht në veb-faqen e Këshillit gjyqësor në një fjali. Ky vendim vjen pasi gjykatësja e cila duhet ta vlerësojë aktakuzën, Verka Petkovska, ka dërguar kërkesë për vlerësimin e imunitetit të gjykatësve të akuzuar. Në rastin “Titanik 2” të akuzuar ishin edhe pesë persona nga Komisioni Shtetëror Zgjedhor, si dhe lideri i PDSH-së, Menduh Thaçi.