Më 13.07.2025 në orën 23:45 në një objekt hotelierik në rrugën e “Ilindenit” në Tetovë, efektivët e policisë të SPB-Tetovë, e kanë privuar nga liria personin B.E. (44) nga Tetova, duke vepruar në bazë të një njoftimi të mëparshëm se ai është sjellë në mënyrë agresive dhe ka dëmtuar një pjesë të inventarit në objektin hotelierik në Tetovë, si dhe është përpjekur ta sulmojë me një send të mprehtë punonjësen F.N. (34) nga fshati Rogle, por është ndaluar nga të pranishmit. Ai po mbahet në një stacion policor dhe pas dokumentimit të rastit, kundër tij do të ngrihet një kallëzim përkatës.
