Takim i ministrave Shapuriq dhe Nurkoviq

Mundësitë për përmirësimin e bashkëpunimit ekonomik mes
Maqedonisë dhe Malit të Zi ishte temë e takimit të ministrit të angazhuar për rregulloren e përmirësimit të klimës investuese për kompanitë vendore Zoran Shapuriq me ministrin e Transportit dhe Marinës të Malit të Zi, Osman Nurkoviq.
Siç informuan sot nga Kabineti i ministrit, Shapuriq e ka informuar ministrin malazez për masat dhe aktivitetet që i ndërmerr Qeveria për përmirësimin e klimës së biznesit në vend, si dhe për t’u bërë anëtare e plotfuqishme e Bashkimit Evropian dhe NATO-s.
Të dy ministrat janë dakorduar se perspektivat euroatlantike janë alternativa e vetme për të dy vendet dhe se ato kontribuojnë për avancimin e bashkëpunimit në fushat e ekonomisë, transportit dhe komunikacionit, ndërtimtarisë, arsimit dhe kulturës të vendeve në rajon, si dhe për stabilitetin e rajonit.
Nurkoviq ka shprehur kënaqësinë për kthimin e Maqedonisë në rrugën drejt integrimeve euroatlantike dhe mbajtjen e zgjedhjeve korrekte dhe demokratike lokale.
Pas takimit të dy ministrat morën pjesë në panelin dedikuar nismës për lehtësimin e transportit në rajon “Free Cargo Region’”, i cili u mbajt në suaza të Samitit të gjashtë të 100 të liderëve të biznesit
në Evropën Juglindore, në Shkup.