Qeveria e Mbretërisë së Bashkuar po e “monitoron” situatën në Rusi pas rebelimit të grupit mercenar Wagner kundër Kremlinit gjatë fundjavës, tha kryeministri britanik Rishi Sunak gjatë një vizite në Nottinghamshire.
Ai thotë se pajtohet me vlerësimin e ShBA-së se rebelimi theksoi të çarat brenda qeverisë së presidentit Vladimir Putin, por shton se është “shumë herët për të parashikuar me siguri se çfarë mund të ndodhë si rezultat i kësaj”.
Sunak refuzon të përfshihet në pyetje rreth mundësisë së ndryshimit të regjimit në Moskë, por thotë se qeveria po përgatitet “për një sërë skenarësh”.
