Presidenti i Venezuelës, Nicolás Maduro është kapur nga Delta Force, njësia speciale elitare e ushtrisë amerikane. Delta Force, një njësi elitare që i përket ushtrisë së Shteteve të Bashkuara, ka qenë gjithashtu përgjegjëse për misionin e vitit 2019, gjatë të cilit u vra ish-udhëheqësi i Shtetit Islamik (ISIS), Abu Bakr al-Baghdadi.
Ndërkohë, Ministri i Mbrojtjes Vladimir Padrino Lopez në një video-mesazh të publikuar në rrjete sociale ka deklaruar se Venezuela do tu rezistojë trupave të huaja. Më herët Presidenti i SHBA-së Donald Trump njoftoi se Presidenti i Venezuelës Nicolas Maduro ishte kapur dhe larguar nga vendi.
Sulmi nisi nga forcat e armatosura amerikane në orët e para në Venezuelë dhe goditi zonat e banuara, tha Padrino Lopez. Shpërthime të fuqishme u dëgjuan në orën 2 të mëngjesit sipas orës lokale në kryeqytetin e Venezuelës, Karakas, dhe vende të tjera në shtetet Miranda, Aragua dhe La Guaira.
Aksioni ushtarak u urdhërua nga Presidenti i SHBA-së, Donald Trump, i cili në javët e fundit kishte ngritur mundësinë e sulmeve tokësore kundër Venezuelës dhe kishte deklaruar se ditët e Presidentit të Venezuelës, Nicolás Maduro, ishin “të numëruara”, pasi vendosi një flotë anijesh luftarake në Karaibe./Dosja.al
