Sektori për Punë të Brendshme Tetovë-Stacioni Policor për sigurinë në trafikun rrugor-Tetovë, gjatë muajit të kaluar dhe këtë muaj në mënyrë të konsiderueshme ka intensifikuar aktivitetet e planifikuara të kontrollit për këtë periudhë të vitit, në qendër e të cilave janë automjetet që kryejnë transportin publik të udhëtarëve, motoçiklistët dhe automjetet që nuk e përshtatin shpejtësinë sipas kushteve të rrugës informon Tetova sot.
Në më shumë se dy muaj e gjysmë, janë vendosur gjithsej 172 parashtresa adekuate në rajonin më të gjerë të Tetovës, për shkelje të kryera nga motoçiklistët, kryesisht për vozitje pa patentë shoferin, regjistrim të skaduar të motoçikletave dhe mos përdorim të pajisjeve mbrojtëse dhe të gjith do të përballen me gjobat e përcaktuara sipas ligjit ligj.
Pothuajse në të njëjtën periudhë, deri më sot (21 korrik), janë lëshuar 2152 urdhra kundërvajtës për mosrespektim të Dekretit të Qeverisë që rregullon detyrimin për mbajtje të maskave mbrojtëse.
