Sot në Tetovë do të mbahet Konferenca e parë e Asamblesë së Femrës pranë Aleancës për Shqiptarët, për zgjedhjen e kryetares dhe organeve tjera të këtij forumi partiak.
ASH vlerëson se ndryshimi i skenës politike do të fillojë nga vetë ndryshimi i organizimit partiak politik, duke sjellur risi në organizimin partiak, duke i dhēnë subjektit një forcë progresive siç eshtë roli i femrës jo kozmetik, por real dhe kyç në hartimin e politikave dhe implementimin e strategjive politike programore, në interes të kombit dhe të organizimit politik.
Në këtë organizim partiak do të flas edhe kryetari i ASH-së, Ziadin Sela, që siç thuhet nga komunikata partiake do të përcjellë qëndrimet edhe për aktualitetet e fundit politike që kanë të bëjnë me debatin për ndryshimet Kushtetuese.
