Autoritetet serbe mbrëmë kanë ndaluar në kufi autobusin me anëtarët e Ansamblit Shtetëror të Valleve dhe Këngëve “Tanec” pasi që kanë zbuluar se është i mbushur përplotë me cigare, shishe vene dhe rakie, njoftoi portali Libertas. Ansambli po udhëtonte për koncerte në Kroaci, Slloveni dhe Austri dhe se pas dyshimeve të para, autoritetet doganore në Tabanoc kanë urdhëruar që autobusi të të hyjë në skaner, ku më pas siç raportohet janë gjetur këto gjësende të ndaluara dhe që në tregun e zi në Slloveni dhe Austri do të shiteshin me çmime të majme. Ky rast po fshihet nga shumica e
mediave, të cilat nuk kanë raportuar për skandalin. (INA)
