Problemi i pacientëve të cilët janë me hemodializë, të cilën deri paradokohe e merrnin në degën e Qendrës për dializë “Sistina nefroplus” në Dibër, e tani janë
obliguar të udhëtojnë deri në Strugë, pritet të tejkalohet. Ajo u është premtuar në takimin që ata e kishin sot në Dibër me përfaqësuesit e institucionit. Sipas pacientëve, siç u ishte thënë, ka qenë e dëmtuar një pjesë e aparateve, e cila pritet të ndërrohet deri në fund të javës. Ata shtuan se kjo ka mundur të bëhet edhe më parë, e jo të pritet në, siç e quajtën, protestë të pacientëve.
Për momentin në Dibër hemodializë marrin 11 pacientë, prej tyre tetë janë të përhershëm, përkatësisht banorë të Dibrës, fshati Mogoreç dhe Kosovrast i Epërm, ndërsa tre janë fshatarë të cilët jetojnë në vendet e huaja, ndërsa verën e kalojnë në vendlindje. Të gjithë ata në çdo të dytën ditë udhëtojnë me automjet deri në Strugë. Potencuan se janë të kënaqur nga shërbimi i deritanishëm dhe sjellja e të punësuarve në “Sistina nefroplus” në Dibër, e cila filloi me punë në mars të vitit 2014.
