Simpozium për perspektiva të reja në bashkëpunimin ekonomik mes Maqedonisë dhe Turqisë

Avancimi i marrëdhënieve bilaterale me Republikën e Turqisë për
konkurrencë më të madhe, është në fokus të simpoziumit të sotëm “Horizonte të reja në bashkëpunimin ekonomik mes Maqedonisë dhe Turqisë” që e organizon Fondacioni për hulumtime ekonomike – Stambolli me mbështetje të Odës ekonomike të Maqedonisë – Turqisë (MATTO).
Është paraparë pjesëmarrja e rreth 30 kompanive nga Turqia të cilat do të kenë takime të drejtpërdrejta me përfaqësues nga sektori afarist i Maqedonisë.
“Ambienti ekonomik i Maqedonisë është në dinamikë të vazhdueshme: Integrimi i rajonit drejt BE-së, krijimi i një hapësire të vetme rajonale ekonomike, revitalizimi i Korridorit 10 në suaza të projektit “Një
brez një rrugë apo Rruga e mëndafshit”, liberalizimi i plotë i tregtisë bilaterale të Turqisë me Serbinë dhe BeH-në,… Rrjedhimisht, hapet tema për avancim të marrëdhënieve bilaterale me Republikën e Turqisë me qëllim që të ruhet dhe rritet konkurrenca”, thonë nga MATTO.