Më datën 04.01.2021 në periudhën nga ora 06:00 deri më ora 10:00 në autostradën Gostivar-Tetovë-Shkup dhe në rrugën magjistrale Gostivar-Kërçovë, nëpunës policorë të SPB Tetovë kanë realizuar kontrollim të përforcuar aksional të shpejtësisë për automjete të cilat kryejnë veprimtarinë e transportit publik në të cilën qarkullojnë autobusë, minibus dhe vetura të udhëtarëve. Gjatë kontrollit janë zbuluar dhe sanksionuar pesëmbëdhjetë automjete të këtij lloji (TE-10 dhe GV-5), të cilët kanë tejkaluar shpejtësinë maksimale të lejuar të qarkullimit për këtë kategori të automjeteve.
Njëri nga automjetet (GV) ka qarkulluar me shpejtësi 70 km në orë mbi shpejtësinë e lejuar. Të gjithë shoferëve të cilët kanë shkelur rregullat e trafikut u janë shqiptuar gjoba adekuate.
