Diabetikët nuk mund të blejnë terapi me insulinë. Megjithëse është në dispozicion, problemi është teknik, dhe tashmë tre muaj pacientët jashtë Shkupit nuk kanë mundur të marrin terapinë e nevojshme, thonë nga Lidhja e Shoqatave të Diabetit. Sipas tyre, disa nga insulinat në sistemin “Termini im” janë futur me shifra të dyfishta, për shkak të së cilave insulina gjendet në barnatore, por nuk mund të blihet, sepse shifrat nuk janë në dispozicion në sistem. “Me përjashtim të pacientëve nga Shkupi, të gjithë të tjerët kanë qëndruar pa terapinë ‘Viktoza’ për tre muaj. Kjo do të thotë që gjendja shëndetësore e këtyre pacientëve po përkeqësohet, ose ata janë të detyruar të sigurojnë ilaçin siç dinë ata,” tha kryetari i Shoqatës së Diabetikëve Dimçe Velev. Nga Ministria e Shëndetësisë thonë se pacientët nuk kanë mbetur pa insulinë, e cila është në dispozicion në të gjitha farmacitë e insulinës. “Problemi me regjistrimin po tejkalohet dhe të martën çdo terapi për diabetikët do të jetë në dispozicion në farmacitë e insulinës,” thonë nga Ministria e Shëndetësisë.
