Shkolla e re në Kapishtec do të ketë edhe pishinë

Kryetari i Komunës Qendër, Andrej Zhernovski ka lëshuar urdhër që në shkollën e re bashkëkohore e cila po ndërtohet në Kapishtec, të ndërtohet edhe pishinë, kanë bërë të ditur nga komuna Qendër, transmeton SHENJA.
Nxënësit që do të ndjekin mësimin në SH.F “Kapishtec” do të mund të rekreohen në një pishinë e cila do të ndërtohet në kuadër të shkollës.
Kjo ka qenë një nga kërkesat e prindërve drejtuar kryetarit të komunës.
“Nxënësit pishinën do ta shfrytëzojnë deri në orën 15:00 pa pagesë, ndërsa në kohën e lirë do të mund të rekreohen edhe fëmijët e lagjes. Gjatë periudhës së verë, nxënësit e lagjes do të mund lirshëm të shfrytëzojnë pishinën për freskim dhe rekreim”, thuhet në komunikatën e komunës Qendër.