Një ditë pas shkarkimit të Flamur Nokës nga nënkryetari i Komisionit të Sigurisë, kreu i PD-së, Lulzim Basha ka folur me tone të ashpra.
“Zoti Noka i kam komunikuar shkarkimin e tij nga detyra si nënkryetar i Komisionit të Sigurisë. Nuk e kam përjashtuar por e kam paralajmëruar.
Nuk mundet që PD që ka kundërshtar dhe armik, armikun e shqiptarëve Edi Ramën dhe regjimin e tij të mbahet peng nga sajesa, shpifje dhe keqinformime që na devijojnë nga detyra jonë kryesore si opozitë që është lufta ndaj këtij regjimi me të gjitha format dhe mënyrat. Ne kemi lançuar iniciativa të shumta opozita dhe do të lançojmë të tjera, për të zhbërë dhe gërryer themelet e regjimit Rama-Doshi-Rakipi dhe nuk mund të mbetemi peng i axhendave personale që kërkojnë ta kthejnë PD në një bunker për interesa personale”.
