Sela: E kuptoj se përse BDI sillet si pa kokë, i pret humbja

Ziadin Sela nga Tetova ku së bashku me kryetarin e Lëvizjes BESA, Bilall Kasami po zhvillon takim me intelektualët shqiptarë, tha se me Lëvizjen BESA në këto momente ka më shu më gjëra që i bashkojnë se sa që i ndajnë. Ai shtoi se e kupton frikën e BDI-së, ngase ata, sipas tij i pret një humbje. Sela tha se arritja e marrëveshjes për bashkëpunim për raundin e dytë në zgjedhjet lokale është vetëm një pikënisje edhe për bashkëpunim në zgjedhjet e ardhshme parlamentare, raporton SHENJA.
“Çështjet që na bashkojnë janë më të mëdha se çështjet që na ndajnë. Kjo nuk është koalicion vetëm për zgjedhjet lokale, është fillimi i një koalicioni për zgjedhjet parlamentare. Ka arsye përse BDI të ketë frikë, të jenë shqetësuar, të sillen si pa kokë. Kur do që të jenë zgjedhje do t’i shohim në opozitë”, deklaroi Ziadin Sela.