22 March 2018 / 10:13
Në Gjykatën Penale sot në Shkup duhet të vazhdojë gjykimi për lëndën e PSP-së “Tarifa”, ku të akuzuar janë ish-drejtori i përgjithshëm i ELEM-it, Dejan Boshkovski dhe dy persona tjerë.
Prokurorët e PSP-së në seancat e kaluara gjyqësore thanë se do të dëshmojnë se si tre personat zyrtar kanë keqpërdorur detyrën zyrtare, ndërsa të akuzuarit janë deklaruar të pafajshëm.
Sipas aktakuzës së PSP-së, të akuzuarit dyshohen për blerje të paligjshme të sistemeve softverike për nevojat e kompanisë shtetërore dhe gjatë shpalljes së tenderit në mënyrë ilegale kanë favorizuar disa kompani.
Nga PSP thonë se gjatë këtyre keqpërdorimeve është shkaktuar dëm në buxhetin e shtetit për rreth katër milionë euro.
