Dy persona kanë pësuar lëndime të lehta në dy prej shtatë aksidenteve që ndodhën në 24 orët e kaluara në zonën e SPB Shkup. Policia e trafikut ka sanksionuar 56 shoferë të cilët kanë lëvizur me shpejtësi më të madhe nga e lejuara, ndërsa 19 shoferë janë përjashtuar nga komunikacioni.
Sipas raportit të policisë, pesë e kanë drejtuar automjetin nën ndikimin e alkoolit, 13 e kanë drejtuar automjetin pa patentë shoferi, një fillestar, ndërsa 12 të paregjistruar.
Janë sanksionuar edhe katër shoferë të cilët kanë kaluar në udhëkryq në të dritë të kuqe, një shofer nuk u ka dhënë përparësi kalimi këmbësorëve, një për rreshtim në mënyrë jo të drejtë, tre shoferë nuk u kanë dhënë përparësi kalimi automjeteve në zonë udhëkryqi dhe tre shoferë janë sanksionuar për mosmbajtjen e helmetës mbrojtëse.
