Sanksione për 40 shoferë për vozitje të shpejtë në Shkup

Katër persona kanë marrë lëndime të lehta trupore në katër prej 12 aksidenteve të trafikut që gjatë 24 orëve kanë ndodhur në rajonin e SPB Shkup.
Policia e trafikut ka sanksionuar 40 shoferë të cilët e kanë drejtuar automjetin me shpejtësi më të madhe se e lejuara, ndërsa nga komunikacioni janë përjashtuar 12 shoferë. Sipas raportit policor, tre shoferë e kanë drejtuar automjetin nën ndikimin e alkoolit, gjashtë para se të përfitojnë të drejtën për drejtimin e automjetit, tre fillestarë, një automjet ka pasur probleme teknike, ndërsa 12 të paregjistruara.
Janë sanksionuar edhe 37 këmbësorë të cilët e kanë kaluar rrugën jashtë vendkalimit për këmbësorë, tetë këmbësorë kanë kaluar në dritë të kuqe të semaforit, shtatë shoferë kanë kaluar përmes udhëkryqit në dritë të kuqe, një është rreshtuar në mënyrë jo të drejtë, një ka tejkaluar në mënyrë jo të drejtë, një shofer nuk u ka dhënë përparësi kalimi automjeteve në zonë udhëkryqi dhe shtatë shoferë janë sanksionuar për mosmbajtjen e helmetës mbrojtëse. Sektori për parandalim në kuadër të projektit edukativ për komunikacion “Kulturë komunikacioni për fëmijët në institucionet parashkollore” sot do të realizojë punëtori edukative në kopshtin “8 Marsi” objekti “Përzhinë” në komunën Kisella Vodë.