Rutë e solidaritetit në Shkup

Me “Rutën e solidaritetit” sot në Shkup vazhdon shënimi i 55 vjetorit të tërmetit katastrofal në Shkup, në suaza të manifestimit “Shkupi flet”. Vizita panoramike e Shkupit fillon nga parku Nënë Tereza, pllaja para ndërtesës së EVN-së, ku qytetarët do të kenë mundësi me autobusë në mënyrë panoramike ta shikojnë Shkupin me fokus në
ngjarjet të cilat lidhen me tërmetin katastrofal në vitin 1963. Organizatorë janë Qyteti i Shkupit, Ndërmarrja Qarkulluese Publike -Shkup, dhe NQP Turs. Në rutën, siç informojnë nga Qyteti i Shkupit, janë Stacioni i vjetër hekurudhor, lagjet Taftalixhe 1 dhe 2 të ndërtuara me ndihmën e solidaritetit botëror, poliklinika Bukuresht e cila është dhuratë nga Rumania, Salla universale e cila është dhuratë nga Bullgaria, si dhe blloqet e Murit të qytetit të cilat janë pjesë e projektit të arkitektit Kenzo Tange.