Ministria e Punëve të Brendshme ka njoftuar se ka konfiskuar drogë në vlerë rreth 6 milionë eurosh, transmeton TV21.
Droga është konfiskuar në rajonin e Kavadarit, Negotinës dhe Manastirit.
Lloji i drogës së konfiskuar është marihuanë, nga dy fabrika të kanabisit për qëllime mjekësore.
“Pas masave dhe aktiviteteve të ndërmarra për të siguruar dëshmi, është parë se kompanitë kanë vepruar në kundërshtim me ligjin, gjegjësisht në kompanitë përkatëse është mbjellë kanabis në kundërshtim me ligjin, me qëllim që të shitet më pas si drogë, pas çfarë janë siguruar urdhëresat për bastisje nga Gjykata Themelore e Kavadarit dhe Manastirit… Në të njëjtat kompanitë, është marrë edhe marihuanë në sasi prej 1 tonelate, 570 kilogram dhe 135 gram, dhe atë si kanabis me përpunim final dhe i papërpunuar, biomasë e kanabisit, fleta të thata dhe fara të thata prej kanabisi”, qëndron më tej në njoftimin e MPB-së.
Thuhet se është konstatuar edhe parregullsi në punën e kompanive, pasi kanabisi që është gjetur, nuk ka qenë i paketuar sipas dispozitave ligjore, kurse në hapësira të tjera të kompanisë është gjetur edhe kanabis i thatë për të cilën kompania nuk ka dorëzuar njoftim në Komisionin në kuadër të Ministrisë të Shëndetësisë.
“Nuk është paraqitur as sasia e prodhimit final, kurse në tërë procesin është vepruar jashtëligjshëm, sepse e kanë pasur detyrim ligjor që të njoftojnë Komisionin, kurse atë nuk e kanë bërë që të mund të shesin marihuanën në tregun e zi, vlera e të cilin arrin rreth 6 milionë euro dhe në këtë mënyrë të arrijnë pasuri të kundërligjshëm”, qëndron më tej në njoftim.
Nga një kompani në Manastir është marrë edhe 300 kilogram marihuanë dhe 494 fidanë me kanabis.
“MPB-ja ka parashtruar kallëzim penal kundër pronarët të kompanive, për të cilët është vërtetuar se janë shtetas të Shqipërisë”, qëndron më tej në njoftim./TV21
