Të vetmit që bllokojnë Maqedoninë dhe e rrezikojnë të ardhmen e qytetarëve janë Zoran Zaev dhe karteli kriminal i LSDM-së, ka reaguar sot përmes një komunikate
për media, partia opozitare maqedonase VMRO-DPMNE. Sipas kësaj partie, vetëm në rastin e marrëveshjeve kriminale të Fondit për inovacion dhe tenderit të përgjakshëm të Ministrisë së Shëndetësisë, ata janë kapur në vepër se si vjedhin 45 milionë euro para të popullit.
“Për këtë krim dhe dhjetëra raste të tjera të marrëveshjeve kriminale, skandaloze dhe të turbullta të këtij pushteti shumë shpejt do të ketë përgjegjësi. Ky pushtet jopopullor do të bie, populli i Maqedonisë do të fitojë, ndërsa gjykata do të lirohet nga kthetrat e Zaevit dhe LSDM-së dhe për çdo krim ky pushtet do të paguajë dhe përgjigjet”, thuhet në komunikatën e VMRO-DPMNE-së.
