Analiati Ramadan Ramadani, në emisionin “N’Podium” me Mefo Ismailin në Ora24.tv, ka kritikuar kryeministrin shqiptar Edi Rama, duke e cilësuar si “anti-europianin më të madh” në këtë rast dhe duke e lidhur rrugën e Shqipërisë drejt Bashkimit Europian me luftën kundër mafias dhe korrupsionit.
“Anti-europiani më i madh në këtë rast është Gadafi ynë, Edi Rama, që nuk lëshon pe dhe do të përfundojë si Gadafi me shkop”, deklaroi Ramadani, duke përdorur një gjuhë të ashpër ndaj kryeministrit shqiptar.
“Edhe Shqipëria, nëpërmjet SPAK-ut do të futet në Evropë, jo nëpërmjet patronazhistëve të Ramës”, u shpreh Ramadani.
Deklarata e tij e vendos SPAK-un në qendër të debatit për sundimin e ligjit dhe integrimin europian të Shqipërisë, ndërsa kritikat ndaj Edi Ramës përbëjnë qëndrimin politik të shprehur nga Ramadani në emision.
