Prokuroria themelore publike Shkup pas zërave të dëgjuara formoi lëndë lidhur me shkrime të caktuara dhe komente në rrjetet sociale, e me të cilat përmes sistemeve kompjuterike në opinion përhapen materiale raciste dhe ksenofobike.
Siç kumtoi Prokuroria publike, tekstet e publikuara në rrjetet sociale janë të orientuara drejt zjarrit në afërsi të Athinës, Republika e Greqisë, në të cilin ka edhe viktima në njerëz. Prokuroria publike do të hetojë nëse përmes shkrimit të komenteve dhe shkrimeve në rrjetet sociale është kryer vepër penale, për të cilën përndiqet sipas detyrës zyrtare.
“Pason ndërmarrja e veprimeve, me qëllim të sigurimit të dëshmive në lëndë. Njëherit, do të vërtetohet identiteti i personave, të cilët përmes publikimit të shkrimeve dhe komenteve kanë marrë pjesë në përhapjen e gjuhës së urrejtjes”, thonë nga Prokuroria.
