Masa e garantuar e çmimit për disa produkte ushqimore, si buka, qumështi, kosi, makaronat,…, disa produkte mishi, si dhe pijet joalkoolike dhe birra nuk do të zbatohen nga nesër. I skadon edhe afati i vendimit të qeverisë për uljen e detyrimeve të importit për perimet. Institucionet njoftojnë përforcim të kontrolleve për të ndërhyrë në rast të rritjes drastike të çmimit të produkteve, duke qenë se ligji për praktikat e padrejta tregtare, që pritet të amortizojë situatën, ende nuk është miratuar.
