Kontrolli i brendshëm i Ministrisë për punë të brendshme po kërkon procedurë disiplinore ndaj shefit dhe dy anëtarëve tjerë të sigurimit të kryetarit të Parlamentit, Talat Xhaferi.
Procedura është e hapur me kërkesë të Sinisha Aleksovski, ish agjent dhe ish këshilltar i presidentit paraprak, Gjorgje Ivanov i cili është thirrur në stacionin policor pasi që në thonjëza para dy muajve e ka incizuar Xhaferin para Parlamentit.
“Reparti i kontrollit të brendshëm, hetimeve kriminale dhe standardeve profesionale konstatoi se dy zyrtarët policor nga Reparti për sigurim personal të presidentit të Parlamentit kanë vepruar në kundërshtim me rregullat dhe principet e MPB ( neni 11, alinea 3 nga Rregullorja për punë për sigurim të personaliteteve dhe sigurim të brendshëm të objekteve). Njëri prej tyre, njashtu, ka vepruar edhe në kundërshtim me nenin 3 nga Rregullorja për mënyrën e kryerjes së punëve policore. Njëherit është konstatuar se punëtori udhëheqës në OZOLO edhe pse është i njohur me masat e ndërmarra të dy zyrtarëve policor në lidhje me incizimin e paautorizuar, ka vendosur që të mos përgatis ankesë që ka vepruar në kundërshtim me nenin 11 qëndrimi 2 nga Rregullorja për kryerjen e punëve policore. OVKKPS kundër tre zyrtarëve policor ka ngritur iniciativë për nisjen e procedurës për përgjegjësi disiplinore, në pajtim me rregullat nga neni 208 qëndrimi 1, pika 10 nga Marrëveshja Kolektive e MPB-së deri te propozuesi i autorizuar”, thuan nga MPB.
