Pesë persona lëndohen rëndë, nëntë aksidente dje në Shkup

Pesë persona kanë marrë lëndime trupore të rënda, ndërsa dy janë lënduar lehtë në nëntë aksidente të regjistruara gjatë ditës së djeshme në rajonin e SPB Shkup. Policia e trafikut i ka sanksionuar 59 shoferë të cilët kanë lëvizur me shpejtësi më të madhe se shpejtësia e lejuar, ndërsa i ka përjashtuar nga komunikacioni tre shoferë nën ndikimin e alkoolit, 17 para se ta fitojnë të drejtën e drejtimit të automjetit motorik, tre fillestarë dhe pesë të tjerë. MPB informoi se nga komunikacioni janë përjashtuar 17 automjete të paregjistruara, dy automjete me defekte teknike, 16 me afat të skaduar të lejes për qarkullim, 181 automjete të parkuara në mënyrë të padrejtë dhe 56 automjete të larguara nga karrotreci.