Një teori e re në lidhje me origjinën e koronavirusit është zbuluar sipas medias amerikane Wall Street Journal. Dy agjenci të rëndësishme amerikane, Departamenti i Energjisë dhe FBI, tani besojnë se origjina e virusit Covid-19 nuk vjen nga një treg i lashtë kinez siç mendohej nga opinioni publik, por ky virus e ka origjinën nga një lapsus në laboratorin Instituti i Virologjisë. Ish-drejtor i Institutit Kombëtar të Alergjisë dhe Sëmundjeve Infektive në SHBA Dr. Anthony Fauci theksoi se kjo teori është mbajtur e fshehtë prej kohësh nga qeveria kineze.
Covid, është një përplasje mes agjencive
Siç shkruan Wall Street Journal, edhe agjencitë qeveritare amerikane kanë ardhur në përfundime të ndryshme në lidhje me origjinën e pandemisë. “Një raport i ri thekson se si pjesë të ndryshme të komunitetit të inteligjencës kanë ardhur në gjykime të ndryshme për origjinën e pandemisë. Departamenti i Energjisë tani i bashkohet FBI-së duke thënë se virusi ka të ngjarë të përhapet për shkak të një aksidenti në një laborator kinez. Katër agjenci të tjera, së bashku me një grup të inteligjencës kombëtare, ende besojnë se ka qenë rezultat i transmetimit natyror dhe dy janë të pavendosur”, shkruan gazeta, duke nënvizuar “përplasjen” mes agjencive. Më tej thuhet: “Zyrtarët amerikanë refuzuan të japin detaje të informacionit dhe analizës së re që e çoi Departamentin e Energjisë të ndryshonte qëndrimin e tij. Ndërsa në Fox News, drejtori i FBI-së, Christopher Wray përsëriti qëndrimin e agjencisë për këtë çështje. “FBI ka vlerësuar prej kohësh se origjina e pandemisë ka të ngjarë të jetë një aksident i mundshëm laboratorik në Wuhan,” tha Wray në intervistë. “Këtu po flisni për një rrjedhje të mundshme nga një laborator i kontrolluar nga qeveria kineze.” Wray vuri në dukje se qeveria e Pekinit është përpjekur vazhdimisht që të pezullonte apo dhe të turbullonte hetimin federal të institucioneve amerikane por pa rezultat pasi kërkimet janë në vazhdim e sipër. Qeveria kineze nuk i është përgjigjur ende komenteve të Wray. Megjithatë të hënën, ajo hodhi poshtë raportet e mediave se departamenti i energjisë i SHBA-së kishte vlerësuar me “besim të ulët” që Covid kishte rrjedhur nga një laborator. Agjencia kishte thënë më parë se ishte e pavendosur se si filloi virusi. Kujtojmë se Pekini aludoi gjithashtu në një hetim të OBSH-së të vitit 2021 që e quajti teorinë e rrjedhjes së laboratorit jashtëzakonisht të pamundur.
Gara midis “skifterëve” dhe “pëllumbave”
Konkurrenca mes agjencive për origjinën e Covid, shkruna The Guardian zbulon debatin e vazhdueshëm brenda administratës Biden mes “skifterëve” dhe “pëllumbave” në lidhje me politikën që do të adoptohet ndaj Kinës. Sepse është e qartë se atribuomi i përgjegjësisë për pandeminë Pekinit dhe institutit të virologjisë Wuhan do të kishte pasoja të rënda politike në marrëdhëniet gjithnjë e më të tensionuara midis Shteteve të Bashkuara dhe Kinës. Më shumë sesa nga një këndvështrim “shkencor”, përfundimet e FBI-së dhe Departamentit të Energjisë për Covid-19 kanë një vlerë politike dhe gjeopolitike. Në mes të kësaj gare mes agjencive dhe vizioneve të ndryshme mbi qasjen për të miratuar, është presidenti Joe Biden, i cili përpiqet të qëndrojë në një pozicion të ekuilibruar dhe të ndërmjetëm, edhe nëse presionet dypartiake për të miratuar një strategji më agresive janë në rritje si nga një pjesë e agjencive qeveritare, ashtu edhe nga Kongresi.
Prapaskenat e Covid
Financial Times vë në dukje se pozicioni i SHBA-së për Covid-in varet kryesisht nga politika e tyre. E njëjta gjë vlen edhe për gjeopolitikën. Vlen të theksohet se SHBA dhe Kina nuk ishin ende në një luftë të ftohtë kur shpërtheu Covid dhe marrëdhëniet midis dy vendeve ishin në një rang më të zbutura. Ndaj dhe zbulimet e fundit mund të jenë një përshpejtues i një lufte të re të ftohtë dhe një nënprodukt i saj. Në të vërtetë, ka shenja të qarta të tensionit në rritje. Sekretari i Shtetit Antony Blinken sqaroi se nëse Kina zbaton planet e saj të supozuara për të armatosur drejtpërdrejt Rusinë, do të ketë një ndryshim vendimtar në politikën e sanksioneve të SHBA-së. “Ne nuk do të hezitojmë të marrim masat e duhura por kompanitë apo zyrtarët kinezë që shkelin sanksionet tona ose përfshihen në përpjekjet luftarake të Rusisë”, tha sekretari amerikan i shtetit.
