Nënkryetari i Bashkimit Demokratik për Integrim – BDI, Nevzat Bejta sot në ora 12 realizoi të drejtën e votës në vendlindjen e tij në Gostivar.
I shoqëruar nga zonja e tij, Bejta pas aktit të votimit në prononcimin për mediat e pranishme shprehu bindje që qytetarët sot do të votojnë për NATO dhe BE, sepse votohet për ardhmërinë e familjeve tona, fëmijëve tanë dhe gjeneratave që do të vijnë.
“Sot është një ditë e veçantë për të gjithë qytetarët e Republikës së Maqedonisë. Sot votohet për NATO dhe BE, votohet për ardhmërinë e familjeve tona, fëmijëve tanë dhe gjeneratave që do të vijnë. Shpreh besimin që sonte në mbrëmje do të festojnë të gjithë qytetarët, për shkak se vendi ynë do të jetë pjesë integruese e NATO-s dhe pjesë integruese e BE-së. Besoj që qytetarët do të dalin të votojnë masivisht për të shprehur qëndrimin për në NATO dhe Bashkimin Evropian”, deklaroi nënkryetari i Bashkimit Demokratik për Integrim – BDI, Nevzat Bejta.
Bejta të drejtën e votës e realizoi në vendvotimin që ndodhen në shkollën fillore Bashkimi në qytetin e Gostivarit.
