Ish kreu i Gjykatës Penale Vladimir Pançevski në shtëpi. Pasi që mbrëmë u dënua me 3 vjet e gjashtë muaj burg për abuzime me sistemin AKMIS në Gjykatën Penale, iu ndërpre edhe paraburgimi ku i kaloi njëzet ditë. Ai në vend se në Shkutkë u dërgua në shtëpi. Pançevskin, shpejt dhe me disa seanca, gjykata e Velesit e shpalli fajtor për abuzim me sistemin AKMIS në Gjykatën Penale, ndërsa ishte kryetar i këtij institucioni. Në vend që lëndët t’i shpërndante në mënyrë elektronike, ai ua ka shpërndarë në dorë gjykatësve të cilët i kanë qenë të besueshëm. Bëhet fjalë për 40 lëndë. Avokatët e Pançevskit nuk janë të kënaqur me aktgjykimin.
