Në Kuvendin e Republikës së Maqedonisë së Veriut, sot u nënshkrua Deklarata Parlamentare për Mbështetjen e Vullnetarizmit — një hap i rëndësishëm me të cilin riafirmohet angazhimi për avancimin e programeve vullnetare dhe forcimin e kulturës së solidaritetit në vend.
Kryetari i Qytetit të Shkupit Orçe Gjeorgjievski theksoi se ky akt vjen në Ditën Botërore të Vullnetarizmit, duke nderuar të gjithë vullnetarët që me përkushtim, humanitet dhe dashuri ndaj njerëzve kontribuojnë në ndërtimin e komuniteteve më të mira.
Ai vuri në pah rolin e madh të vullnetarëve dhe shprehu vendosmërinë për të mbështetur programet, iniciativat dhe organizatat që kultivojnë humanizmin, me theks të veçantë tek Kryqi i Kuq, të cilin e quajti “shembull i shkëlqyer i sakrificës dhe kujdesit të organizuar”.
Në fund, ai shprehu falënderim të sinqertë për të gjithë vullnetarët:
“Faleminderit për çdo hap tuajin, për çdo vepër të mirë dhe për çdo shpresë që e sillni atje ku nevojitet më së shumti. Të mbetemi të bashkuar në humanitet.”
