Një shtetas i Maqedonisë dhe një serb, të dy me prapavijë kriminale,
janë dy personat të cilët të hënën e kaluar, më 27 nëntor, tentuan ta plaçkisin këmbimoren në Kisella Vodë, me ç’rast u vranë nga pronari i saj, kumtoi sot Prokuroria Publike e Republikës së Maqedonisë
(PPRM).
Prokuroria Publike Themelore – Shkup natën e njëjtë gjatë ekspertizës e përcaktoi identitetin e njërit plaçkitës. Ai ka qenë shtetas i Maqedonisë dhe i dënuar i cili nga shfrytëzimi i fundjavës së lirë në mars të këtij viti nuk është kthyer në burg.
“Ai kësaj vere ka qenë autor i pesëmbëdhjetë plaçkitjeve të bankave, këmbimoreve dhe bastoreve. Plaçkitjet kryesisht i ka kryer vetë, por herën e fundit është bashkuar me plaçkitësin e njohur nga Republika e Serbisë”, kumtoi PPRM.
Identiteti i personit të dytë është përcaktuar përmes krahasimit të vijave papilare të gishtërinjve të duarve. Bëhet fjalë për një shtetas nga Serbia pas së cilit për shkak të veprave të kryera penale është shpallur fletarrestim. Identifikimi është konfirmuar edhe nga organet kompetente serbe.
“Edhe pse për prokurorinë fillimisht janë përcaktuar faktet e nevojshme dhe dëshmitë që e zbulojnë të vërtetën dhe përgjegjësinë për atë se çfarë ka ndodhur, që të konfirmohet nëse me të vërtetë
pronari i këmbimores ka vepruar në mbrojtje, është i nevojshëm grumbullimi i plotë i të gjitha dëshmive në lëndë, me ç’rast do të pasojë sjellja e vendimit të Prokurorisë”, thekson PPRM në
kumtesën e sotme.
Data 07.03.2025
Aktuale
- Arsyeja pse djali i Unikatilit grushton një person gjatë ceremonisë së varrimit të axhës së tij
- Gjesti kritikohet për mungesë empatie pas largimit të Eglit nga BBVA, pyet se ku janë cigaret e saj pasi ajo la shtëpinë
- Trump sugjeron mundësinë e zgjerimit të afatit për shitjen e TikTok
- DAP: Nuk është e vërtetë se mbi 80 mijë të punësuar ende nuk e kanë marrë pagën e janarit të vitit 2025
- “Denonco krimin zgjedhor!” – SPAK hap portal online për zgjedhjet e 11 majit
- Egli Tako lë shtëpinë e Big Brother VIP Albania
- VLEN: Për herë të parë në armatë ka 3 gjeneralë shqiptarë!
- Zëdhënësja e Qeverisë Venera Azizi: Përfshirja e grave në vendimmarje, garanci për shoqëri të barabartë