Maqedonisë i nevojitet instrument financiar i përforcuar, fond
garantues përkatës për parafinancimin e bujqve. Në këtë drejtim, si opsion merren parasysh edhe mjetet e Fondit kompensues japonez i cili me vite ishte i bllokuar, deklaroi ministri i Bujqësisë, Pylltarisë dhe Ekonomisë së Ujërave, Lupço Nikollovski.
Nikollovski pas takimit me drejtorin e Agjencisë Pagesore, Nikollçe Babovski, deklaroi se në mënyrë intensive është duke biseduar edhe me bankat komerciale.
“Tashmë është realizuar bashkëpunim lidhur me Fondin kompensues japonez. Në një llogari të veçantë të Ministrisë ka mbi pesë milionë euro të cilat janë ngrirë, ndërsa të cilat vitin e ardhshëm do të hyjnë në buxhetin bujqësor”, theksoi Nikollovski, duke iu përgjigjur pyetjeve të gazetarëve.
Ministri njëherësh informoi se janë realizuar rreth 92 milionë euro subvencione. Mbeten edhe 250 deri në 260 milionë denarë prej vitit 2016, që janë pjesë e gjithsej njëqind milionë eurove të obligimeve të bartura prej viteve paraprake.
Duke e theksuar domosdoshmërinë e ekuipimit të Agjencisë Pagesore, Nikollovski nënvizoi se interesimi për IPARD është gjithnjë e më i madh.
