Nëntë persona janë lënduar në fatkeqësinë e komunikacionit në afërsi të fshatit Damjan të Radovishit në rrugën magjistrale Shtip- Radovish.
Zëdhënësi i SPB- Strumicë, Hrizantema Rendevska ka deklaruar se fatkeqësia ka ndodhur mëngjesin e sotëm në ora 3.40 mes dy veturave për udhëtarë dhe një traktor me rimorkio. “Sipas informacioneve të para, me lëndime trupore janë gjithsej nëntë persona dhe të gjithë janë hospitalizuar në spitalin në Strumicë”, tha Rendevska. Në rrjedhë është mbikëqyrja në vendin e fatkeqësisë nga ana e policisë dhe Prokurorit publik, ndërsa mëngjesin e sotëm prej orës 4.15 e deri në 5.40 komunikacioni në atë rrugë ka qenë i ndërprerë tërësisht.
